精彩！
#鄺大俠
家訪小弟心目中的陳近南……鄺大俠！(第二節)
今天,3:15,中環出發，等的士，妖……無車！😤
幾經辛苦，由電車路行返干諾道中，有D搶車動作(唔好意思，太急，唔想遲到！！！)點知，大道東塞車，叫師傅立即行灣仔道再入大道東！終於，四點多小小，到大俠家中！😧😧😧😧成頭汗，緊張過初戀約左女！😛😛😛
大俠開門：東，你都算準時！
我：如果唔係大道東塞車，我應該早到！
大俠：唔緊要，請坐！(😲😲😲大俠叫我坐佢個皇帝位！)
呢個畫面(見圖)，只係Facebook同好多外國音響網站見過，我今日坐左係度！
大俠：東，想聽乜野？
我：大俠，唔使喇，我已經覺得你個擺位同音場非一般音響做得出，準確，層次分明，喇叭外側聲音唔使搵都聽得好清楚(其實當時音量好細聲)！不如你播D你鐘意既野我聽！
大俠：Jazz啱唔啱？🙌🙌🙌(開正我最愛)
我：啱，我都係聽Jazz先開始鐘意音響！(😆我發覺果一刻我好似港女，啱啱話唔使，而家又話好！)
大俠跟住拎隻黑膠出黎(😍😍😍興奮到都唔知係乜歌),落針…！咦…心諗，點解唔較大聲D？頭先個音量唔大，不過都聽得清楚。
現場音樂，有D Miles Davis feel！奇怪，一般人聽野都有點大聲，但…大俠個音量只係一般，唔大，跟住……前面一支小號好似3D立體電影咁掛左係我對面窗簾人體心口咁上下高，側面一支Sax係大約肚腩位跟住吹，好彩係日光日白，否則會有D驚…。金屬質感好強，但又唔會"拮"耳，有感覺到管樂震蕩，亦感到樂手投入地吹，突然，Jazz鼓勁打幾下，鼓聲速度快，能感到鼓手力度，收放自如，其他樂手相繼加入，低音大提琴手站在管樂手後兩三步位置，前後分明！
有無搞錯，咁既音量，無論高、中、低音，樂器分佈都如3D立體電影。
其實，好多超級音響都做到以上小弟所講的，但……現場感，氣氛，就連聽眾的情感都一一顯現音場內，什麼弱音、空氣感之類，對大俠這套組合已經係"基本"的！(好聽到想講粗口)！
還有一樣，下一節會重點講的是……喇叭兩外側的聲音！
Search